سام سنگ گليڪسي ايس نائن ۽ ايس پلس جون تصويرون منظر تي اچي ويون

ڪراچي (ويب ڊيسڪ) جيتوڻيڪ سام سنگ ڪمپني پنهنجي فليگ شپ سمارٽ فون گليڪسي ايس نائن ۽ گليڪسي ايس پلس کي هلندڙ مهيني 25 فيبروري تي متعارف ڪرائندي پر ان فون جون تصويرون سامهون اچي ويون آهن، ليڪ ٿيندڙ تصويرن ۾ ڏسي سگھجي ٿو ته ڪئميرا جي هيٺان ئي فنگر پرنٽ سينسر ڏنو ويو آهي، جيتوڻيڪ اهو خيال اڳ ئي ڪيو پئي ويو ته فنگر پرنٽ سينسر ڪئميرا جي هيٺان ڏنو ويندو پر هاڻ ليڪ ٿيندڙ تصويرن مان ان جي تصديق ٿي وئي آهي. سام سنگ جي ان فليگ شپ سمارٽ فون جي حوالي سان وڌيڪ تفصيل سامهون نه اچي سگھيا آهن پر اهو واضح آهي ته سام سنگ ڪمپني وڌيڪ ڌيان رڳو ڪئميرا تي ئي ڏنو آهي. گليڪسي ايس نائن ۽ ايس پلس جي حوالي سان چيو پيو وڃي ته ان ۾ طاقتور ڪوالڪوم اسنيپ ڊراگون 845 پراسيسر ۽ فيس آءِ ڊي جي ٽيڪنالاجي جو سام سنگ جو پنهنجو ورزن هوندو، سام سنگ پنهنجي فليگ شپ موبائلن جي قيمت جو اعلان ناهي ڪيو پر چيو پيو وڃي ته ان جي قيمت هڪ هزار ڊالر يعني هڪ لک پاڪستاني رپين کان وڌيڪ هوندي، اهو ئي سبب آهي ته ايس سيريز سام سنگ جي سڀ کان مهانگي فون ثابت ٿيڻ واري آهي. اطلاعن موجب گليڪسي ايس نائن ۽ ايس پلس کي مختلف رنگن ۾ متعارف ڪرايو ويندو، سام سنگ جي ٻنهي موبائلن ۾ آءِ فون ايڪس سان ٽڪر جا فيچر به ڏيڻ جو امڪان آهي پر ان حوالي سان حتمي خبر 25 فيبروري تي سامهون ايندي.

from Awami Awaz http://ift.tt/2GQpieC
via IFTTT http://ift.tt/2s8RoyA

نقيب الله جا قاتل پڪڙڻ لاءِ سڀ وسيلا استعمال ڪنداسين: وزيراعظم جي قبائلين کي خاطري

اسلام آباد (ويب ڊيسڪ) وزيراعظم شاهد خاقان عباسي چيو آهي ته نقيب الله محسود جو ڪيس صوبائي حڪومت جو ناهي پر ياست جو معاملو آهي، نوجوان جو عدالت کان مٿانهون قتل ڪندڙن کي گرفتار ڪرڻ لاءِ سڀ وسيلا استعمال ڪنداسين. رپورٽن موجب قبائلين جي جرڳي وزيراعظم شاهد خاقان عباسي سان ملاقات ڪئي، جنهن دوران جرڳي جي ميمبرن نقيب الله محسود جي قاتلن کي فوري طور گرفتار ڪرڻ جو مطالبو ڪيو، جنهن تي وزيراعظم چيو ته نقيب الله ڪيس ۾ انصاف جي سڀني تقاضن کي پورو ڪيو ويندو، قاتلن جي گرفتاري لاءِ سڀ وسيلا استعمال ڪيا ويندا. هن چيو ته سڄي قوم قبائلي علائقن جي عوام جي قربانين کي قدر جي نگاهه سان ڏسي ٿي، دهشتگردي خلاف جنگ ۾ قبائلي عوام وڏيون قربانيون ڏنيون آهن. ان موقعي تي وزيراعظم اعلان ڪيو ته نقيب الله محسود جي نالي سان وزيرستان ۾ ڪاليج تعمير ڪرايو ويندو.27

from Awami Awaz http://ift.tt/2Bch0NU
via IFTTT http://ift.tt/2BJuqSz

پاڪستان لاءِ مالي امداد بحال ڪري سگهجي ٿي: آمريڪا

واشنگٽن (ويب ڊيسڪ) پاڪستان جي سلامتي جي مد ۾ ڏني ويندڙ آمريڪي مالي امداد جي معطلي ختم ڪري سگهجي ٿي. اهڙن خيالن جو اظهار آمريڪا جي نائب پرڏيهي سيڪريٽري جان ساليون سينيٽ جي پرڏيهي معاملن بابت ڪميٽي سان ڳالهائيندي ڪيو، ان سان گڏوگڏ ساليون شرط رکندي چيو ته اهو رڳو ان ئي صورت ۾ ممڪن آهي، جڏهن پاڪستان پنهنجي سرزمين تي سرگرم ويڙهاڪ گروپن خلاف فيصلائتي ڪارروائي ڪندو. واضح رهي ته آمريڪا گذريل مهيني پاڪستان کي مالي امداد جي ادائيگي معطل ڪري ڇڏي هئي، واشنگٽن اختيارين موجب مطالبو آهي ته اسلام آباد پنهنجي ملڪي حدن ۾ موجود افغان طالبان ۽ حقاني نيٽ ورڪ خلاف ڪارروائي ڪري.27

from Awami Awaz http://ift.tt/2E44CSw
via IFTTT http://ift.tt/2nOF5Sj

رات ڏهين وڳي وارو نيوز بليٽن/2018-02-05

*رينجرز جي اختيارن ۾ 90 ڏينهن جي واڌ، گهرو کاتي پاران نوٽيفڪشن جاري

*ٺل ڀرسان هٿياربندن هٿان 2 نوجوان اغوا، وارثن کان 30 لک ڀنگ طلب

*دانيال عزيز خلاف توهين عدالت ڪيس جي ٻڌڻي لاءِ ٽه رڪني بينج جوڙي وئي

*سنڌ يونيورسٽي ۾جمهوريت ڏانهن سفر” جي موضوع تي ڪانفرنس ڪوٺائي وئي

*اداڪار رنوير سنگهه وڌيڪ تاريخي فلم ڏيڻ  جو اعلان  ڪري ڇڏيو

from Awami Awaz http://ift.tt/2E7avOU
via IFTTT http://ift.tt/2nO18J7

نهال هاشمي جي نااهليءَ کانپوءِ سينيٽ جي خالي سيٽ تي ننڍي چونڊ پهرين مارچ تي ٿيندي

اسلام آباد (ويب ڊيسڪ) اليڪشن ڪميشن آف پاڪستان ن ليگ جي اڳوڻي سينيٽر نهال هاشمي جي نااهلي کانپوءِ خالي ٿيل سيٽ تي ننڍي چونڊ جو اعلان ڪري ڇڏيو آهي. اليڪشن ڪميشن طرفان جاري ڪيل نوٽيفڪيشن موجب نهال هاشمي جي نااهلي کانپوءِ خالي ٿيل سيٽ تي ننڍي چونڊ پهرين مارچ تي ٿيندي، جنهن لاءِ نامزدگي ڪاغذ جمع ڪرائڻ جي آخري تاريخ 13 فيبروري آهي، جڏهن ته انهن جي ڇنڊ ڇاڻ 15 فيبروري تي ڪئي ويندي. اليڪشن ڪميشن طرفان نامزدگي ڪاغذن جي منظوري ۽ رد ڪرڻ خلاف اپيل جمع ڪرائڻ جي آخري تاريخ 17 فيبروري رکي وئي آهي. اپيلن تي فيصلو 19 فيبروري تي ٻڌايو ويندو ۽ 20 فيبروري تي اميدوارن جي نظرثاني جي فهرست شايع ڪئي ويندي. اميدوارن طرفان نامزدگي ڪاغذ موٽائي وٺڻ جي آخري تاريخ 21 فيبروري رکي وئي آهي. ننڍي چونڊ لاءِ پولنگ جو عمل لاهور ۾ پنجاب اسيمبلي جي عمارت ۾ ٿيندو.27

from Awami Awaz http://ift.tt/2nIRPuJ
via IFTTT http://ift.tt/2BYWdKu

پاڻي زهريلو ۽ ڪوڙو ٿي ويو آهي | پروگرام: سنڌ نگر | ميزبان: حنيف ساگر

عوامي آواز | پاڻي زهريلو ۽ ڪوڙو ٿي ويو آهي | پروگرام: سنڌ نگر | ميزبان: حنيف ساگر |  ٽيلي فون لائن تي: رازق ڏنو کوسو، هاشم شر، عمران کوسو

بدين ۾ زراعت ۽ پيئڻ جي پاڻي جي کوٽ آهي

پاڻي زهريلو ۽ ڪوڙو ٿي ويو آهي

شگرملن مان نڪرندڙ پاڻي ۽ سامونڊي پاڻي سبب جر خراب ٿي ويو آهي

بدين ترقياتي ڪمن ۾ به پٺتي پيل آهي

ميرپورخاص ۾ ڪڻڪ جي اگهه نه ملڻ تي آبادگارن جو احتجاج جاري آهي

ڪورٽ ۽ حڪومت طرفان مقرر ڪيل اگهه تي ڪو عمل درآمد ناهي ٿي سگهيو

آبادگار ن کي اگهه نه ملڻ سبب 20 ارب رپين جو نقصان ٿيو آهي

آبادگارخودڪشي ڪرڻ تي مجبور آهن

سپريم ڪورٽ طرفان پابندي باوجود سنڌ ۾ جرڳا جاري آهن

عدالتي نظام سست هئڻ ڪري جرڳا سسٽم ڪامياب آهي

قانونساز اسمبلين ۾ ويٺل پاڻ جرڳا ڪرائيندا آهن

from Awami Awaz http://ift.tt/2FOy6An
via IFTTT http://ift.tt/2EleWVL

ياسمين القحطاني: سعودي عرب جي پهرين عورت جبل چاڙهو

رياض (ويب ڊيسڪ) ياسمين القحطاني اها پهرين سعودي نوجوان ڇوڪري آهي، جنهن جبلن ۽ پٿرن تي چڙهندڙ پهرين جبل چاڙهو تربيت ڪار طور ملڪ ۾ پنهنجو نالو روشن ڪيو آهي. اهڙي تربيت هن آمريڪي رياست شڪاگو ۾ حاصل ڪئي، جتان کيس منظور ٿيل سرٽيفڪيٽ به مليو. ياسمين يورپ ۽ آمريڪا ۾ اهڙو تجربو ڪيو. سندس چوڻ آهي ته پٿرن تي چڙهڻ سان انسان جذبن کي قابو ڪرڻ ۽ امڪانن کي چئلينج ڪرڻ سکندو آهي، اها راند جسماني فٽنيس وڌائڻ لاءِ فائديمند آهي.

ياسمين موجب کيس هٿن ۽ پيرن سان پٿرن تي چڙهڻ سان عشق آهي، پٿرن جي چڙهڻ جبلن تي چڙهڻ کان وڌيڪ ڏکيو ڪم آهي، جنهن ۾ جسماني ڪنٽرول ۽ توازن جي مهارت تي دارومدار هوندو آهي. هن ٻڌايو ته مان ڪلمنجاور (تنزانيا) جي پٿرن تي 58 سئو ميٽرن تائين چڙهي چڪي آهيان، ان کانسواءِ الب جي جبلن ۾ 48 سئو ميٽرن جي اوچائي تي خطرناڪ پٿر به پار ڪيم. هوءَ گذريل ٽن مهينن دوران 150 کان وڌيڪ مردن ۽ عورتن کي تربيت پڻ ڏئي چڪي آهي. ياسمين القحطاني موجب سعودي عورتون ٻين ملڪن جي ڀيٽ ۾ راندين ۾ شرڪت جي لحاظ سان گهڻائي رکن ٿيون، جبل چڙهڻ ۾ خاص وزن يا غير معمولي جسماني قدرت جي نه پر سکڻ جي خواهش جي ضرورت هوندي آهي. هن واضح ڪيو ته عورت لاءِ جبل چڙهڻ ۾ حجاب رنڊڪ ناهي پر ان لاءِ حفاظتي هيلميٽ پائڻ اهم آهي.27

from Awami Awaz http://ift.tt/2FSnOPI
via IFTTT http://ift.tt/2ElK47w